ओखलढुंगाको सिद्धिचरण नगरपालिका–८ मा भएको प्रथम वडा स्तरीय खसी कप भलिबल प्रतियोगिताको उपाधि तामाङ विकास समूहले जितेको छ । तिहारको अवसरमा न्यु सुर्यदय युवा क्लब सिद्धिचरण नगरपालिका–८ को आयोजनामा भएको प्रतियोगितामा सिद्धिचरण नगरपालिका २ ठुलाछापलाई ३–१ को सेटमा हराउँदै तामाङ विकास समूहले प्रथम स्थान हासिल गरेको हो ।

यस्तै प्रतियोगितामा एभरेष्ट युवा क्लब तृतीय भएको छ भने न्यु सुर्यदय युवा क्लब सान्त्वना भएको छ ।
प्रतियोगितामा प्रथम र द्वितिय हुने टिमले खसीको साथमा मेडल र प्रमाणपत्र पाएका छन् । तृतीय हुने टिमले लोकल भालेको साथमा मेडल र प्रमाणपत्र तथा सान्त्वना हुने टिमले लोकल भालेको साथमा प्रमाणपत्र भएको छ ।
प्रतियोगितामा विजेता बनेका टिमलाई सिद्धिचरण नगरपालिका–८ का वडा अध्यक्ष एकराज तामाङ र जिल्ला भलिबल खेलकुद संघका उपाध्यक्ष अर्जुन राईले खसी, भाले र पुरस्कार हस्तान्तरण गरेको आयोजक क्लबका हरि गुरुङले दिए ।

उनका अनुसार कार्तिक २३ गते देखि २५ सम्म भएको प्रतियोगितामा १६ टिमको सहभागिता रहेको थियो । तिहारको अवसरमा शुभकामना आदानप्रदान सहित विविध सांस्कृतिक कार्यक्रम समेत भएको आयोजकले जनाएको छ ।