प्रथम मानेभन्ज्याङ गोल्ड कपको उपाधि ज्वालामुखी युवा समूह ‘ए’ हर्कपुरले जितेको छ ।
आज शनिबार भएको फाइनल खेलमा रमाइलोडाँडा युवा क्लब ओखलढुंगालाई ३–० ले गराउँदै ज्वालामुखी युवा समूह ‘ए’ हर्कपुरले उपाधि जितेको हो ।

विजेता बनेको ज्वालामुखी युवा समूह ए हर्कपुरले नगद् ५० हजारको साथमा ट्रफि, मेडल र प्रमाणपत्र पाएको छ भने उप–विजेता बनेको रमाइलोडाँडा युवा क्लबले नगद् ३० हजारको साथमा मेडल र प्रमाणपत्र पाएको आयोजक क्लबका अध्यक्ष कुमार मगरले जानकारी दिए ।
विजेता तथा उप–विजेतालाई मानेभन्ज्याङ गाउँपालिकाका उपाध्यक्ष आश्राचन राईले पुरस्कार हस्तान्तरण गरेका छन् । पुरस्कार वितरण कार्यक्रमलाई सम्बोधन गर्दै उनले गाउँपालिकाले खेल क्षेत्रको प्रवद्र्धन र खेलाडी प्रोत्साहनका लागि विभिन्न काम गरिरहेको जानकारी गराएका थिए ।

प्रतियोगिताका सेमिफाइनलिस्ट दुई टिम मानेभन्ज्याङ युवा क्लब र ज्वालामुखी युवा समुह बी लाई पनि नगद १०-१० हजार प्रदान गरिएको आयोजकले जनाएको छ । ३२ टिमको सहभागीता रहेको प्रतियोगितामा ओखलढुंगा सहित उदयपुर, खोटाङ लगायतका जिल्लाका खेलाडी तथा खेल टिमको सहभागिता रहेको थियो ।