मध्य पहाडी लोकमार्ग अन्तरगत जयरामघाटमा सुमो र मोटरसाइकल एक आपसमा ठोक्किँदा एक जना घाइते भएका छन् । सोमबार मध्यान्ह १२ बजे मानेभन्ज्याङ गाउँपालिका–६ मध्य पहाडी लोकमार्ग अन्तरगत जयरामघाटमा हर्कपुरबाट हलेसी तर्फ जांदै गरेको ना. १ ज ६४२१ नम्बरको सुमो र बिपरित दिशाबाट आउंदै गरेको बा ३९ प १५२९ नम्बरको मोटरसाइकल एक आपसमा ठोक्किएर दुर्घटना भएको हो ।

दुर्घटनामा मोटरसाइकल चालक खोटाङको ऐंसेलुखर्क गाउापालिका–३ का ३१ बर्षीय डाकमान तामाङ घाईते भएको जिल्ला प्रहरी कार्यालय ओखलढुंगाका सूचना अधिकारी प्रहरी निरीक्षक बालिस्टर सिंहले जनाकारी दिए ।

घाइते चालक तामाङको टाउकोमा चोट लागेको र हाल उदयपुरको एक स्वास्थ्य संस्थामा उपचार भइरहेको उनले बताए । सुमो चालक काभ्रेपलाञ्चोक जिल्ला बनेपा नगरपालिका– १३ का २५ को मिलन महतलाई नियन्त्रणमा लिइएको प्रहरी निरीक्षक सिंहले जानकारी दिएका छन् ।

दुवै सवारी साधन पनि प्रहरीले नियन्त्रणमा लिएको छ ।