ओखलढुंगाको बतिनीमा आगलागी हुँदा ११ लाख बढीको क्षति भएको छ । सोमबार बिहान २:३० बजेको समयमा सिद्विचरण नगरपालिका – १० बेतिनीका केदारनाथ धमलाको पुरानो घरमा आगलागी भएको हो ।

आगलागीबाट फुसको छानो भएको ३ तले घर, काठपात तथा घरभित्र राखेको बा ८२ प ७७२ नम्बरको पल्सर मोटरसाइकल र बा ८५ प २४०८ नम्बरको होण्डा मोटरसाइकल जलेर पूर्ण रुपमा नष्ट हुँदा ११ लाख नौं हजार नौं सय बराबरको क्षति भएको जिल्ला प्रहरी कार्यालय ओखलढुंगाका सूचना अधिकारी प्रहरी निरीक्षक बालिस्टर सिंहले जानकारी दिएका छन् ।

आगो स्थानीयको सहयोगमा बिहान ६ बजे नियन्त्रणमा आएको र घरमा मानिस नबस्ने भएकाले कुनै मानविय क्षति भने नभएको उनले बताए ।

आगलागीबारे के कति कारण भएको भन्नेबारे अनुसन्धान थालिएको जिल्ला प्रहरी कार्यालय ओखलढुंगाले जनाएको छ ।