ओखलढुंगाको मिलनचोकमा मंगलबार बिहान भएको मोटरसाईकल दुर्घटनाका गम्भीर घाइते भएका चालकलाई थप उपचारका लागि काठमाण्डौ रेफर गरिएको छ । ओखलढुंगा सामुदायिक अस्पतालमा उपचार सम्भव नभए पछी नेपाली सेनाको हेलिकप्टर मार्फत काठमाण्डौ पठाईएको हो ।
प्रदेश १–०२–०४० प ४३३४ नम्बरको मोटरसाइकल मिलनचोकको खुश्बु पेट्रोल पम्प नजिक आफै अनिन्त्रित भई दुर्घटना हुदा सिद्धिचरण नगरपालिका–११ मिलनचोकका ३० बर्षीय अरुण राई गम्भीर घाईते भएका थिए । राईको टाउको र दुबै हातमा गम्भीर चोट लागेको थियो ।
उनको थप उपचारका लागि काठमाण्डौको न्युरो अस्पताल रेफर गरिएको जिल्ला प्रहरी कार्यालय ओखलढुंगाका सूचना अधिकारी एवम् प्रहरी निरीक्षक बालिस्टर सिंहले जानकारी दिए ।