प्रहरी दिवसको अवसरमा ओखलढुंगा प्रहरीले वृक्षारोपण र सरसफाई कार्यक्रम गरेकाे छ । ६८ औं प्रहरी दिवसको अवसरमा जिल्ला प्रहरी कार्यालय परिसरमा ११५ वटा बिरुवा रोपिएको छ । लप्सी, अमला, तेजपात, अम्बा, धुपी, कागती, लिची, अनार लगायतका विभिन्न जातका ११५ वटा विरुवा रापिएको जिल्ला प्रहरी कार्यालयका प्रवक्ता एवम् प्रहरी निरिक्षक बालिस्टर सिंहले बताए ।
वृक्षरोपण कार्यक्रममा जिल्ला प्रहरी कार्यालय प्रमुख एवम् प्रहरी नायब उपरीक्षक दिपक बहादुर केसी लगायत प्रहरी कर्मचारीहरु सहभागी भएका थिए । दिवसको अवसरमा जिल्ला प्रहरी कार्यालय मातहतका इलाका प्रहरी चौकी तथा चौकीहरुमा पनि सरसफाई कार्यक्रम सञ्चालन गरिएको छ । प्रहरी दिवस यही असोज ३० गते मनाइदै छ ।