ओखलढुंगाको मानेभन्ज्याङ गाउँपालिकामा अरिंगालले चिलेर एक पुरुषको मृत्यु भएको छ । अरिंगालले चिल्दा मानेभन्ज्याङ गाउँपालिका–५ ओखरबोटका ५९ बर्षीय भुवन सिंह मगरको ज्यान गएको हो ।
सोमबार बिहान घर नजिकैको काभ्राको रुखमा रहेको अरिंगालको गोला झिक्न चढेका मगरलाई अरिंगालले चिलेर गम्भिर घाईते भएका थिए । मगरको ओखलढुंगा सामुदायिक अस्पतालमा उपचारको क्रममा ज्यान गएको जिल्ला प्रहरी कार्यालय ओखलढुंगाका सूचना अधिकारी एवम् प्रहरी निरीक्षक बालिस्टर सिंहले जानकारी दिएका छन् ।
घटनाको बिषयमा थप अनुसन्धान भईरहेको जिल्ला प्रहरी कार्यालय ओखलढुंगाले जनाएको छ ।