ओखलढुंगा । पछिल्लो समय तिब्र रुपमा फैलिरहेको डेंगी र आँखा पाक्ने रोग बाट बच्न विद्यार्थीलाई सचेत गराईएको छ । मोलुङ गाउँपालिका–२ टेकानपुरको ग्रामोदय आधारभूत विद्यालयले प्रोजेक्टर मार्फत यस रोग बाट बच्न सन्देश मूलक भिडियो सामाग्री प्रदर्शन गरेर विद्यार्थीहरुलाई जानकारी गराएको हो ।
डेंगी र आँखा पाक्ने रोग बाट जोगिन अपनाउनु पर्ने सावधानीका बारेमा विद्यालयका बिद्यार्थीलाई जानकारी गराईएको प्रधानाध्यापक सिताराम दाहालले बताए । विद्यार्थी मार्फत घर परिवार र समुदायमा यस रोग बाट बच्ने उपायका बारेमा जनचेता फैलाउने उद्देश्यले सचेतानामुलक कार्यक्रम गरिएको प्रधानाध्यापक दाहालको भनाई छ ।