ओखलढुंगा । जिल्ला प्रहरी कार्यालय ओखलढुंगाले एक बर्षमा ५८ जना फरार प्रतिवादी पक्राउ गरेको छ । प्रहरीले सञ्चालन गरेको फरार प्रतिवादी सर्च अपरेसन बाट आर्थिक वर्ष २०७९/०८० मा ५८ जना फरार प्रतिवादी पक्राउ गरिएको जिल्ला प्रहरी कार्यालय ओखलढुंगाका प्रमुख एवम् प्रहरी नायब उपरीक्षक दिपक बहादुर केसीले बताए ।
आर्थिक वर्ष २०७७/०७८ मा ६१ जना पक्राउ परेकोमा आव २०७८/०७९ मा जम्मा नौं जना फरार प्रतिवादी पक्राउ परेका थिए । पक्राउ परेका अधिकांश प्रतिवादीहरु यौनजन्य घटनामा संलग्न भएकाहरु हुन् ।
जिल्ला प्रहरीस कार्यालयको तथ्यांक अनुसार अझै पनि विभिन्न मुद्दाका दोषी प्रमाणित १४१ जना प्रतिवादी फरार रहेकाले उनीहरुको खोजी भइरहेको प्रहरी नायब उपरिक्षक केसीले बताए । फरार प्रतिवादीहरु देश छोडेर भारत लगायत अन्यत्र मुलुक पुगेको र देशकै विभिन्न शहरमा पहिचान फेरेर लुकिछिपि बसेकाले खोजी र पक्राउ गर्न चुनौती रहेको केसीको भनाई छ ।