ओखलढुंगा । ओखलढुंगामा जारी प्रदेश स्तरीय मुख्यमन्त्री कप फुटबल प्रतियोगिमा आज मंगलबार दुई खेल भएका छन् ।

मंगलबार भएको पहिलो खेलमा धनकुटा र भोजपुर बिच प्रतिस्पर्धा भएको थियो । खेलमा धनकुटाले भोजपुरलाई ५–३ गोल अन्तरले पराजित गरेको छ । धनकुटाका खेलाडी कुसुम थुलुङ राई म्यान अफ द म्याच घोषित भएका छन् ।

यस्तै मंगलबार नै भएको दोस्रो खेलमा सुनसरीले पाँचथरलाई ३–० गोल अन्तरले पराजित गरेको छ । दोस्रो खेलमा सुनसरीका निमा शेर्पा म्यान अफ द म्याच घोषित भएका छन् ।

बुधबार बिहान ८ बजे ओखलढुंगा र झापा, १२ बजे तेह्रथुम र खोटाङ तथा दिउँसो २ बजे संखुवासभा र उदयपुर बिचको प्रतिस्पर्धा हुने आयोजकले जनाएको छ । प्रतियोगिताको फाइनल खेल आगामी असार ९ गते हुनेछ ।