यस बर्षको माध्यमिक शिक्षा परिक्षा (एसईई) को लागि ओखलढुंगामा १७ वटा परिक्षा केन्द्र निर्धारण गरिएको छ । आगामी चैत्र ७ गतेबाट सुरु हुने परिक्षाका लागि शिक्षा विकास तथा समन्वय इकाईले १७ केन्द्र तोकेको हो ।

इकाईको हालै बसेको बैठकले परिक्षामा विद्यार्थीको सहजताका लागि अघिल्लो बर्षको जतिनै केन्द्र निर्धारण गरेको शिक्षा विकास तथा समन्वय इकाई ओखलढुंगाका सूचना अधिकारी बिष्णु प्रसाद कँडेलले जानकारी दिए ।

केन्द्राध्यक्ष पनि केन्द्र तोकिएका विद्यालयका प्रधानाध्यपक नै रहने गरि व्यवस्था मिलाइएको उनले बताए । यस बर्ष जिल्लामा २२ सय बढी विद्यार्थीले एसईई परिक्षा दिने इकाइले जनाएको छ ।

यसैबिच २०८१ सालको एसईई परीक्षाको तालिका सार्वजनिक भइसकेको छ । परीक्षा नियन्त्रण कार्यालय सानोठिमी भक्तपुरले सार्वजनिक गरेको तालिका अनुसार एसईई परीक्षा चैत ७ गतेदेखि सुरु हुनेछ ।