सुनकाेशीका आमा समूह सञ्जालका पदाधिकारीलाई प्रस्तावना लेखन तालिम दिईएको छ । सुनकोशी गाउँपालिका ओखलढुंगाको आयोजनामा पालिकाको दश वटा वडाका आमा समूह सञ्जालका पदाधिकारीलाई तालिम दिईएको हो ।
वडा स्तरीय आमा समूह सञ्जालका तीन जना प्रतिनिधी र पालिका स्तरीय सञ्जालका प्रतिनिधिलाई तीन दिन प्रस्ताव लेख्ने सीप सिकाईएको गाउँपालिका उपाध्यक्ष सुनिता अधिकारीले बताईन् । गाउँपालिकाका आमा समूह सञ्जालको क्षमता विकासका लागि तालिमको आयोजना गरिएको उपाध्यक्ष अधिकारीको भनाई छ । सहभागीहरुमा विभिन्न सरकारी तथा गैरसरकारी कार्यालयमा प्रस्ताव तयार गरेर योजना माग गर्न सक्ने क्षमता विकास भएको उपाध्यक्ष अधिकारीले बताईन् ।
महिलाहरुको क्षमता विकास गर्दै सशक्तिकरण गर्ने योजना अनुसार विभिन्न प्रकारका सीपमुलक तालिमको आयोजना गरिएको गाउँपालिका अध्यक्ष कमल तामाङले बताए । राष्ट्रिय स्तरको प्रशिक्षक प्रतिमा शर्मा र जिल्ला स्तरका प्रशिक्षक एसबी जेरोले तीन दिन सम्म सहभागीहरुलाई प्रस्ताव लेखन सीप सिकाएका थिए ।