पर्यटन प्रवद्र्धनका लागि सम्भवत देशकै सबै भन्दा अग्लो बुद्धको मुर्ति ओखलढुङ्गाको केत्तुकेमा निर्माण गरिएको वडा अध्यक्ष विष्णु तामाङले बताए । मानेभञ्ज्याङ गाउँपालिका–४ केत्तुके बजार नजिकै ३२ फिट अग्लो बुद्धको पुर्ण कदको मुर्ति निर्माण गरिएको छ । यो नेपालकै सबै भन्दा अग्लो बुद्धको पुर्ण कदको मुर्ति हुन सक्ने वडा अध्यक्ष तामाङले बताएका छन् ।

मानेभञ्ज्याङ गाउँपालिकाको करिब ३० लाख लगानीमा उक्त मुर्ति निर्माण गरिएको अध्यक्ष तामाङले जानकारी दिए । सिद्धिचरण राजमार्ग अन्तरर्गत पर्ने केत्तुके बजारमा पर्यटन प्रवद्र्धनका लागि बुद्धको मुर्ति सँगै अन्य पर्यटकीय पुर्वाधारहरु निर्माण गरिएका छन् ।

सोहि स्थानमा गुम्बा, बुद्धको मुर्ति पार्क, बौद्ध डाँडामा सहिद स्मृति पार्क लगायतका पर्यटकीय पुर्वाधारहरु निर्माण गरिएका हुन् । यसका साथै पछिल्लो समय केत्तुके बजार जिल्लाकै मौलिक बजारका रुपमा विकसित भईरहेको वडा अध्यक्ष तामाङको भनाई छ ।

स्थानिय उत्पादनहरु दाल, तरकारी, फलफूल लगायतका खाद्य सामाग्रिहरु विशेष गरि विक्रिका लागि राख्ने गरिएको पाईन्छ । ओखलढुङ्गा र सोलुखुम्बु आउ जाउ गर्ने यात्रुहरुलाई लक्षित गरेर बजारमा रैथाने उत्पादनलाई विक्रि गर्ने गरिएको हो । तामाङ समुदायको बाक्लो बसोबास भएको केत्तुकेलाई पर्यटकिय हबका रुपमा विकास गर्न वडा अध्यक्ष तामाङले आफैले घोडा खरिद गरेर आन्तरिक तथा बाह्य पर्यटकलाई घोडचढीको व्यवस्था गरेका छन् ।

मानेभञ्ज्याङ गाउँपालिकाको केत्तुके लगायत लिब्जु उपो सामाथान, सातसल्लेको शहिद पार्क, किरातेश्वर गुफा, जयरामघाटको पुल, उवुको स्वालेवा र सुरिम पार्क लगायतको पर्यटकीय प्रवद्र्धन गरि युवाहरुमा रोजगारी सृजना गर्ने योजनाका साथ काम भईरहेको गाउँपालिका अध्यक्ष ज्ञानेन्द्र रुम्दालीले बताए ।