ओखलढुंगाको मोलुङ गाउँपालिकामा बच्चाले खेलाएको लाईटर बाट घरमा आगलागी भएको छ । गाउँपालिकाको वडा नं.६ मंसिरेमा कर्मा शेर्पाका तीन वर्षिय छोरा मिङ्मार शेर्पाले खेलाएको लाईटरबाट घरमा आगलागी भएको हो ।
शेर्पाको अर्का १५ महिने छोरा फुर्वा शेर्पा बेपत्ता भएको जिल्ला प्रहरी कार्यालय ओखलढुंगाका सूचना अधिकारी प्रहरी निरीक्षक बालिस्टर सिंहले जानकारी दिए । घरमा शेर्पाका दुई छोराहरु मात्र भएको समयमा आगलागी भएको प्रहरी निरिक्षक सिंहको भनाई छ ।
आगलागीमा बेपत्ता भएका शेर्पाका १५ महिने छोराको खोजी कार्य भईरहेको जिल्ला प्रहरी कार्यालय ओखलढुंगाले जनाएको छ ।
आगालगीबाट ढुङ्गा माटोले बनेको, ढुङ्गाको छाना भएको दुई तले घर, घरमा रहेको काठपात, भाँडावर्तन, अन्नपात, लत्ता कपडा जल्दा करिब १५ लाख भन्दा बढी क्षती भएको बताईएको छ ।