ओखलढुंगाको सुनकोशी गाउँपालिका अध्यक्ष कमल तामाङले डा.एपीजे अब्दुल कलाम इन्टरनेश्नल अवार्ड प्राप्त गरेका छन् । अक्सफोर्ड युनिभर्सिटी मार्फत नेल्सन मण्डेला लिडरसीप अवार्ड २०२३ बाट सम्मानित भएको एक महिना नबित्दै अध्यक्ष तामाङ भारतको प्रतिष्ठित डा. एपीजे अब्दुल कलाम इन्टरनेश्नल अवार्ड २०२३ बाट सम्मानित भएका हुन् ।
डा.एपीजे अब्दुल कलाम फाउण्डेशनले सुनकाेशी गाउँपालिका अध्यक्ष तामाङलाई भारतको कलकत्तामा डा.एपीजे अब्दुल कलाम इन्टरनेश्नल अवार्ड मार्फत सम्मान गरेको हो । अध्यक्ष तामाङले सामाजिक क्षेत्रमा पुर्‍याएको योगदानको कदर गर्दै अवार्ड प्रदान गरिएको आयोजकले जनाएको छ ।
उनले गाउँपालिका अध्यक्ष पदमा निर्वाचित भएपछि आफूले पाउने सबै तलबभत्ता सोही गाउँपालिकाका सामुदायिक विद्यालयकाे शैक्षिक तथा भाैतिक विकासका लागि वितरण गरेका छन् ।