ओखलढुंगाको मानेभन्ज्याङ बजार अनुगमन गर्दा ३५ हजार भन्दा बढीको उपभोग्य समय सकिएको सामाग्रि फेला पारिएको छ । जिल्ला प्रशासन कार्यालय, मानेभन्ज्याङ गाउँपालिका र सरोकारवाला निकायले सयुक्त बजार अनुगमन गरिएको थियो ।
अनुगमनका क्रममा ३५ हजार भन्दा बढीको उपभोग्य मिति सकिएको सामान फेला परेको जिल्ला प्रशासन कार्यालयका प्रशासकिय अधिकृत कृष्ण प्रसाद गौतमले बताए । फेला परेका अखाद्य सामाग्री नष्ट गरिएको गौतमले जानकारी दिए ।
मानेभञ्ज्याङ बजारका किराना, होटल तथा खाद्यान्न लगायतका पसलहरुमा अनुगमन गरिएको थियो । चाडबाड नजिकिए सँगै बजार अनुगमनलाई प्रभावकारी बनाईएको जिल्ला प्रशासन कार्यालय ओखलढुंगाले जनाएको छ ।