दशै लगायतका चाडबाड नजिकिए सँगै सुनकोशी गाउँपालिका ओखलढुंगाले सडक मर्मत कार्य थालेको छ । वर्षातका कारण खाल्डा खुल्डी र जिर्ण बनेका सडकको मर्मत कार्य थालिएको हो ।
गाउँपालिकाको दश वटै वडामा वर्षातले बिग्रिएका सडकहरुको मर्मत तथा सफा गर्ने कार्य थालिएकाे सुनकोशी गाउँपालिका प्रवक्ता एवम् १ नम्बर वडाअध्यक्ष प्रकाश सापकोटाले बताए । वडा नं. २ मा सडक मर्मतको कार्य सकेर अहिले वडा नं. १ बलखुमा सडक मर्मत कार्य भईरहेको वडाअध्यक्ष सापकोटाले जानकारी दिए ।
चाडबाडको समयमा नागरिकलाई सवारीमा आवत जावत गर्न सहज बनाउने उद्देश्यले गाउँपालिकाका मुख्य तथा सहायक सडकहरु मर्मत साथै सफा गर्न थालिएको गाउँपालिकाले जनाएको छ ।