ओखलढुंगाको सुनकोशी गाउँपालिका अध्यक्ष कमल तामाङ ‘नेल्सन मन्डेला लिडरसिप अवार्ड सन २०२३’ बाट सम्मानित भएका छन् । भारतको ‘एनआरआई वेल्फेयर अफ इन्डिया’ गरेको सर्वेक्षणका आधारमा तामाङ नेपाल बाट उक्त अवार्डका लागि छनोट भएका थिए ।
सेप्टेम्बर २७ का दिन लन्डनमा भएको ‘ग्लोबल पिस समिट’ मार्फत अध्यक्ष तामाङले अवार्ड ग्रहण गरेका छन् । कोरोना महामारीको समयमा तामाङले नेपालमा पु¥याएको योगदानको मुल्याङ्कन गर्दै उनलाई अवार्ड बाट सम्मानित गरिएकाे हाे ।
सुनकोशी गाउँपालिका अध्यक्ष तमाङले कानुन अनुसार आफुले पाउने सम्पुर्ण तलब भत्ता सामुदायिक विद्यालयको विकासका लागि वितरण गर्ने गरेका छन् । स्थानिय तहकाे निर्वाचनमा तामाङ नेपाली काँग्रेस बाट गाउँपालिका अध्यक्षमा विजयी भएका थिए । उनि नेपाली काँग्रेस जिल्ला कार्य समिती ओखलढुंगाकाे उप समेत सभापती हुन् ।