ओखलढुंगाको सुनकोशी गाउँपालिका–१० का वडा अध्यक्ष छविरमण धमलालाई बलात्कार आरोपमा प्रहरीले पक्राउ गरेको छ ।
स्थानिय एक २५ बर्षीय युवतीले जिल्ला प्रहरी कार्यालय ओखलढुंगामा असोज ५ गते दिएको जाहेरीको आधारमा अनुसन्धानका लागि धमलालाई प्रहरीले पक्राउ गरेको हो । आइतबार ओखलढुंगा जिल्ला अदालत बाट पक्राउ गर्ने पुर्जी प्राप्त गरेको प्रहरीले मंगलबार सिद्धिचरण नगरपालिका बाट धमलालाई पक्राउ गरिएको जिल्ला प्रहरी कार्यालय ओखलढुंगाका सूचना अधिकारी एवम प्रहरी निरीक्षक बालिस्टर सिंहले बताए ।
जिल्ला अदालत बाट सात दिनको म्याद लिई धमलालाई हिरासतमा राखेर घटनाका विषयमा अनुन्धान थालिएको प्रहरी निरिक्षक सिंहले जानकारी दिए । सोमबार धमलाले फेसबुक मार्फात स्टाटस लेख्दै षड्यन्त्र गरेर आफुलाई फसाउन खोजिएको जनाएका थिए ।