ओखलढुंगा । सिद्धिचरण नगरपालिका–२ को कालिका आधारभूत विद्यालय चुहानछापका विद्यार्थीलाई ट्र्याकसुट र विद्यालय झोला वितरण गरिएको छ । विद्यालयमा ७० जना विद्यार्थीलाई ट्«याकसुट र विद्यालय झोला वितरण गरिएको हो ।
पुर्व विद्यार्थी तथा समाजसेवी भरत कार्की र अमिता कार्कीको सहयोगमा उपलब्ध सामाग्री विद्यार्थीलाई हस्तान्तरण गरिएको छ । सिद्धिचरण नगरपालिकाका नगरप्रमुख तेजेन्द्र खनालको उपस्थितिमा विद्यालयमा एक कार्याक्रमको आयोजना गरि विद्यार्थीलाई सामाग्रि हस्तान्तरण गरिएको वडा अध्यक्ष बसन्त कटुवालले जानकारी दिए ।
पुर्व विद्यार्थी तथा समाजसेवी भरत कार्की र अमिता कार्कीले विद्यालयलाई आवश्यक साउन्ड सिस्टम सामान उपलब्ध गराएका छन् । उनिहरुले करिब ८५ हजार बराबरको सामाग्रि उपलब्ध गराएको वडाअध्यक्ष कटुवालले बताए ।