ओखलढुंगा । सिद्धिचरण नगरपालिका–३ अधिरीको एक घरमा लागलागी भएको छ । अधेरी आहालडाँडाका स्थानिय हर्कराज राईको घरमा लागलागी भएको हो ।
काठ र जस्तापाताले बनेको राईको एक तले घरमा आगलागी हुँदा करिब सात लाख बराबरको क्षती भएको जिल्ला प्रहरी कार्यालयका प्रहरी निरिक्षक देबेन्द्र दासले बताए । आगोलागी बाट घर, घरमा भएका लत्ताकपडा, भाडा वर्तन, अन्नपात लगायतका सामाग्रि पुर्ण रुपमा जलि नष्ट हुँदा छ लाख ९० हजार ४५ रुपैयाँ बराबरको क्षती भएको प्रहरी निरिक्षक दासको भनाई छ ।
खाना पकाउने ग्यास पड्किएर घरमा आगलागी भएको प्रहरीको प्रारम्भिक अनुसन्धान बाट खुलेको छ । घटनाबारे थप अनुसन्धान भईरहेको प्रहरीले जनाएको छ ।