ओखलढुंगा । ओखलढुंगाको सिद्धिचरण नगरपालिकाले ढुंगा, गिटी, बालुवा उत्खनन् तथा संकलनमा रोक लगाएको छ । वर्षाको समयमा बाढी पहिरोजस्ता प्रकोपको जोखिम बढ्ने भएकाले नगरपालिकाले खोलाबाट ढुंगा गिटी, बालुवा उत्खनन् तथा संकलनमा रोक लगाएको हो ।

ढुंगा गिटी, बालुवा उत्खनन्, विक्रि तथा व्यवस्थापन सम्बन्धि मापदण्ड २०७७ अनुसार असार १ गतेदेखि भदौ मसान्तसम्म नगरभित्रका खोलाहरुबाट नदिजन्य ढुंगा, गिटी, वालुवा उत्खनन्मा पूर्णरुपमा प्रतिबन्द लगाईएको नगरपालिकाका प्रमुख प्रशासकीय अधिकृत बलराम लम्सालले बताए । विपद् जोखिम न्यूनिकरणका लागि नगरपालिकाले सार्वजनिक सूचना जारी गरेर ढुंगा, गिटी वालुवा ननिकाल्न अपिल गरिएको उनको भनाई छ ।

तोकिएको ३ महिना असार १ गतेदेखि भदौ मसान्तसम्म वर्षाको समयमा ढुंगा गिटी, बालुवा उत्खनन् गरेमा प्रचलित कानुन अनुसार कारबाही गरिने नगरपालिकाले जनाएको छ ।

हेर्नुहाेस् नगरपालिकाकाे सूचना

सिद्धिचरण नगरपालिका भित्रका खोलाखोल्साको दोहन बढेसँगै वर्षेनी बाढी पहिरो र भू–क्षयका घटनाहरु बढ्न थालेका छन् ।