ओखलढुंगाको च्यानममा एक वृद्धको कुटपिटबाट अर्का वृद्धको मृत्यु भएको छ । आज बुधबार बिहान ८ : ३० बजे जिल्लाको सुनकोशी गाउँपालिका –८ माँझ गाउँका ८३ बर्षीय सोम बहादुर अधिकारीलाई दुध लिएर घर फर्कने क्रममा स्थानीय ८३ बर्षीय तिलक बहादुर कटुवालले धकेल्दा गम्भीर घाइते भएका थिए ।

गम्भीर घाइते अधिकारीलाई उपचारको लागि जिल्ला अस्पताल ल्याइएकोमा अस्पतालले मृत घोषित गरेको जिल्ला प्रहरी कार्यालय ओखलढुंगाका प्रहरी निरीक्षक विकास राईले जानकारी दिए ।

उनका अनुसार कुटपिटमा संलग्न भएको आरोपमा वृद्ध तिलक बहादुर कटुवाललाई पक्राउ परिसकेका छन् ।
कानुनी प्रक्रिया पुरा गरि मृतक अधिकारीको शव पोष्ट मार्टमको तयारी भइरहेको प्रहरीले जनाएको छ । घटनाबारे अनुसन्धान भइरहेको ओखलढुंगा प्रहरीले जनाएको छ ।