बाटोमा रोकेर राखेको ट्याक्टरमा स्कुटर ठोक्किँदा केतुकेका दुई जना घाइते भएका छन् । शुक्रबार साँझ ७ बजे मानेभन्ज्याङ गाउँपालिका–४ केतुकेबाट आउँदै गरेको बा ०२–०३९ प ३८३३ नम्बरको स्कुटर सिनपा ११ मा दुर्घटना भएको हो ।

सडकको साइडमा रोकि राखेको ना ५ त १९२३ नम्बरको ट्रयाक्टरको ट्रलीमा स्कुटर ठोक्किँदा स्कुटर चालक केत्तुकेका ३४ बर्षीय सुमन राईको निधारमा चोट लागेको र स्कुटरको पछाडी सवार उनको श्रीमती ३४ बर्षिया ममिता राईको बाँया खुट्टाको हड्डीमा चोट लागेको जिल्ला प्रहरी कार्यालय ओखलढुंगाका प्रहरी निरीक्षक देवेन्द्र दासले बताए ।

घाइते उनीहरुलाई ओखलढुंगा सामुदायिक अस्पतालमा सामान्य उपचार पछि थप उपचारको लागि धुलिखेल अस्पताल रेफर गरिएको जिल्ला प्रहरी कार्यालय ओखलढुंगाले जनाएको छ ।