ओखलढुंगा । सदरमुकाम नजिकै खुल्ला व्यायमशाला स्थापना गरिएको छ । सिद्धिचरण नगरपालिका–१२ मा रहेको सिद्धिचरण र श्रष्टापार्क नजिकै सरस्वती डाँडामा खुल्ला व्यायमशाला स्थापना गरिएको हो ।
वडा कार्यालयको पहलमा प्रदेश सरकारबाट प्राप्त आठ लाख बजेटले खुल्ला व्यायमशालाको स्थापना गरिएको सिद्धिचरण नगरपालिका–१२ का वडा अध्यक्ष उमंग श्रेष्ठले बताए ।
सदरमुकामबासी नागरिकको माग र आवश्यक्ताका आधारमा व्यायमशालाको निर्माण गरिएको वडा अध्यक्ष श्रेष्ठको भनाई छ । कसरतका लागि आवश्यक विभिन्न सामाग्रीहरु व्यायमशालामा जडान गरिसकिएको वडा अध्यक्ष श्रेष्ठले जानकारी दिए । एक साता भित्र नागरिकहरुका लागि व्यायमशाला निःशुल्क सञ्चालन गरिने सिद्धिचरण नगरपालिकाले जनाएको छ ।